Full sólarmyrking verður 20. mars 2015 á norðaru jarðarhálvu og hon verður full í Føroyum. Í sambandi við sólarmyrkingina hevur Kristianshús opið 14 dagar. Longu nú kann pláss bíleggjast .
Mint verður á, at tað bert er tyrlusamband við oynna. Tann, ið ætlar sær út í oynna, má verða tíðliga á fótum at tryggja sær pláss við tyrluni. Tað er eisini møguligt at leiga tyrluna.

Setið tygum í samband við okkum um telefon, bræv ella teldupost: :  mykines@post.olivant.fo

Brev: Katrina Johannesen, 388 Mykines

Kristianshús

Telefon

31 29 85

Fax

32 19 85

Katrina Johannesen

Telefon

32 19 85

Mobil

21 29 85

Solareclipse as it maybe could be seen from Mykines

Sólarmyrkingin

Full sólarmyrking verður á 462 kilometra breiðum øki; hon byrjar sunnan fyri Grønland, fer síðani yvir Føroyum og út yvir Norðuratlantshav við miðdeplinum framvið Svalbard og endar nær Norðpólinum. Fulla sólarmyrkingin sæst á landi bert í Føroyum og á Svalbard; longst varir hon á havinum norðanfyri Føroyar. Full sólarmyrking verður í 2 minuttir og 46 sekundir úti á víðum havi, men Mykines og Føroyar liggja væl innan fyri fullan mánaskugga, tí miðdepilin fer 120 kilometrar í útnyrðing vestan úr Mykinesi – millum Ísland og Føroyar. Mykines er vestasta oyggj í Føroyum, og er tí nærri miðdeplinum enn Tórshavn. Í Mykinesi varir sólarmyrkingin longst og full myrking varir 2 minuttir og 24 sekundir – 24 sekundir longri enn í Tórshavn.
Lutvíst sólarmyrking verður um alt Evropa, stórum parti av Norðurafrika og langt eystureftir inn yvir Sibiria.

Í Mykinesi verða tíðirnar hesar:

1. kontakt, mánaskuggin nemur við sólarrondina 8.38:33 UT
2. kontakt, full myrking byrjar 9.40:10 UT
Full myrking – og nú er myrkast 9.41:23 UT
3. kontakt, sólarrond kemur undan 9.42:35 UT
4. kontakt, sólin leys av mánaskugganum – myrkingin er at enda komin 10.46:58 UT

Klokkutíðirnar galdandi fyri Tórshavn eru nærum tær somu – innan fyri 1 minutt – men fulla sólarmyrkingin er 24 sekundir stytri, tí Tórshavn liggur umleið fyri 45 kilometrar longur burtur frá miðdeplinum enn Mykines.

Skiftandi og óstøðugt veðurlag eyðkennir Føroyar, men við vakrastu sólskinsdøgum á øllum ársins tíðum eru tær frægari, enn mangan ljóðar. Verður skýggjað loft, meðan sólarmyrkingin varir, sæst í øllum førum myrkrið síga seg niðurá oyggjarnar. Tá fara fuglarnir øðrvísi at: hønurnar seta seg á vaglið, dunnur og aðrir fuglar seta seg ella reiðrast!

Fleiri upplýsingar eru at finna á alnetinum um sólarmyrkingar sum heild og eisini burtuav um 20. mars 2015.